හිටපු පාර්ලිමේන්තු මන්ත්රී සහ හිටපු ජනාධිපතිගේ වෘත්තී සමිති උපදේශකයකු වූ භාරත ලක්ෂමන් ප්රේමචන්ද්ර මහතා  ඇතුළු සිව් දෙනකු 2011 ඔක්තෝබර 08 වැනිදා සවස කොළොන්නාවේදී වෙඩි තබා ඝාතනය  කළැයි හිටපු පාර්ලිමේන්තු මන්ත්රී දුමින්ද සිල්වා ඇතුළු පහකට කොළඹ මහාධිකරණය මීට ටික වේලාවකට පෙර මරණ දවම නියම කළේය.

 

සංචාරක ඔස්ට්‍රේලියානු කණ්ඩායම සමග පැවැත්වෙන එක්දින තරඟාවලියේ දෙවන තරඟයෙන් ලකුණු 82ක විශිෂ්ට ජයක් ලබා ගැනීමට ශ්‍රී ලංකාව සමත් විය.කොළඹ ආර්. ප්‍රේමදාස ක්‍රීඩාපිටියේදී පැවැති මෙම  තරඟයේ පළමුව පන්දුවට පහරදුන් ශ්‍රී ලංකා කණ්ඩායම පන්දුවාර 48.5දී සියළුදෙනා දැවී ලකුණු 288ක් ලබා ගැනීමට සමත්විය.එහිදී කුසල් මෙන්ඩිස් ලකුණු 69ක්, ඇන්ජලෝ මැතිව්ස් ලකුණු 57ක් හා කුසල් ජනිත් ලකුණු 54ක් ලබා ගැනීමට සමත් විණ.පන්දුවෙන් දස්කම් පෑ ජේම්ස් ෆෝල්ක්නර් ලකුණු 49දී කඩුළු 3ක් බිඳ දැමූ අතර එම කඩුළු ත්‍රිත්වය පන්දු 3කදී දවා ගැනීමට සමත්වීම විශේෂත්වයකි.

 

චීන මහජන බැංකුවේ දකුණු ආසියානු ශාඛාව ගාලුමුවදොර මුහුද ගොඩකර ඉදිකෙරෙන මූල්‍ය නගරයේ ස්‌ථාපිත කරන බව අගමැති රනිල් වික්‍රමසිංහ මහතා ඊයේ (23 දා) පාර්ලිමේන්තුවේදී කීවේය.කොළඹ ඉදිකරන වරාය නගරය මූල්‍ය නගරයක්‌ ලෙස ඉදිකරනවා. මෙම මූල්‍ය නගරයට අදාළ වාර්තාව සකස්‌ කළ පසු ඒ පිළිබඳ පාර්ලිමේන්තුව දැනුවත් කරනවා යෑයිද අගමැතිවරයා කීවේය. අගමැතිවරයා මෙසේද කීවේය.

 

නාරාහේන්පිට ශාලිකා ක්‍රීඩාංගණය අසලදී රගර් ක්‍රීඩක වසීම් තාජුඩීන් ඝාතනය සිදුවූ දින රාත්‍රි එවකට නාරාහේන්පිට පොලිස්‌ ස්‌ථානයේ ස්‌ථානාධිපති ලෙස කටයුතු කළ ඩේමියන් පෙරේරා මහතාට අරලියගහ මන්දිරයෙන් හා ජනාධිපති ලේකම් කාර්යාලයෙන් ලැබුණු සැකසහිත දුරකථන ඇමතුම් රැසක්‌ද මකා දමා ඇතැයි අපරාධ පරීක්‌ෂණ දෙපාර්තමේන්තුව ඊයේ (24 වැනිදා) කොළඹ අතිරේක මහෙස්‌ත්‍රාත් නිශාන්ත පීරිස්‌ මහතාට දැනුම් දුන්නේය. එලෙස එකී දුරකථන දත්ත මකාදමා ඇති ජනාධිපති ලේකම් කාර්යාලය හා අරලියගහ මන්දිරයේ දුරකථන පද්ධති භාරව සිටි නිලධාරීන් මේ වනවිට සේවයෙන්ද ඉවත්ව ගොස්‌ ඇති බවට තොරතුරු අනාවරණය වී ඇතැයිද අපරාධ පරීක්‌ෂණ දෙපාර්තමේන්තුව අධිකරණයට වැඩිදුරටත් දැනුම් දුන්නේය.

 

 ‘නව දේශපාලන පක්ෂයක් බිහිවේ! නව පෙරමුණකින් මහින්ද සමඟ සටනට’ යන ප්‍රවෘත්තිය උදෑසන  පුවත්පතකින් ජනාධිපති මෛත්‍රීපාල සිරිසේන මහතාට දැක ගැනීමට ලැබෙනු ඇති බවත්, එවිට  ඔහුට කීමට ඇති සියලු රහස් පැවසීමට හැකි වනු ඇති බවත් ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතා පවසයි.ඒ මහතා මේ බව ප්‍රකාශකර සිටියේ ලුණුගම්වෙහෙර ප්‍රාදේශය සභා ශ්‍රවණාගාරයේදී පැවැති ‘ව්‍යවස්ථා මරඋගුල සහ ජාතියේ අවමගුල’ දේශන මාලාවේ පස්වැන්න සිදු කරමිනි. එහිදී වැඩිදුරටත් අදහස් දැක්වූ ඒ මහතා මෙසේ ද සඳහන් කළේය,