RavsFm

Releasing Sri Lankans’ Assets from Australia to the Universe

R avsfm .com
RavsFm
|    සයිටම් දෙමවුපියෝ අධ්‍යාපන හා සෞඛ්‍ය අමාත්‍යාංශවලට ඇඟිල්ල දිගු කරති|    මෙරට ඉඩම් නොරටුන්ට දීමට එරෙහිව නාමල් පෙරට එයි|    ලාස්වේගාස් ප්‍රහාරයේ වගකීම IS භාරගනිද්දී විදෙස් මාධ්‍යය සාක්ෂි ඉල්ලයි|    වෛද්‍ය නිලධාරීන් කොල්වින්ට විරෝධය පාද්දී ඇමැති වෛද්‍ය සභාව කැඳවයි|    ශ්‍රී ලංකාවේ පාර්ලිමේන්තුවට අවුරුදු 70යි

හිතට සෑරට වදීන කතාවක් එක්ක දයාන් විතාරණ දසුන් ගැන​ කියපු කතාව

28-Sep-2017

දයාන් විතාරණ කියන්නේ අපෙ රටේ ඉන්න සුවිශේෂී කලාකරුවේක්.. මේ දිනවලා බොහො දෙනාගෙ කතා බහට ලක්වේලා තියෙන සිදුවීමක් ගෑන ඔහු මුහුනු පොතෙ හරි අපුරු සටහනක් දාලා තියෙනවා..

“නිසළ වූ දසුන… දසුන් අප හැර ගොස් හමාරය.නොයෙක් දෙනා නොයෙක් හේතු පැවසුවද ඔහුට දිවි නසා ගැනීමට සිත් වූ හේතුව දන්නේ ඔහුම පමණි .එය සොයා ගැනීමෙන් දැන් පළක් නැත .ආදරණීය මවකට අහිමි වුයේ පුතෙකුය .ඔහුට මුළු ලොවක් ආදරය කළද ඔහුට ඔහු ආදරය කළේ නැත .මේ උතුම් මාතෘත්වයට ආදරය කළේ නැත .ඔහුගේ මව මට පවසා සිටියේ “කවුරු කොහොම කිව්වත් මට නැති වුනේ දස මසක් කුස දරා ඇසක් මෙන් බළාගත් මගේ පුතා”යනුවෙනි .මා ඇය අස්වසන්නට කෙතෙක් උත්සාහ කළද ඈ පැවසුවේ “මම මෙය කොහොම අමතක කරන්නද .දිවි නසා ගැනීම වැනි අනුවණ ක්‍රියාවක් මගේ පුතා කරාවිද .මට තාම හිතා ගන්න බැහැ .පුතා කොහේ සිට හෝ මට දුරකථනයෙන් අමතා අම්මේ මම හොඳින් ඉන්නවා .ඔය ඉන්නෙ වෙන දසුන් කෙනෙක් කියා කියාවි යැයි ඇය බළා සිටිනවා .”යනුවෙනි මේ කඳුළු කෙතරම් බරද .මට කිව යුත්තේ මෙපමණකි .මා මේ අමතන්නේ වයස තිහට අඩු දූ පුතුන්ටය .ඔබට ඔබේ ජීවිතය නැති කර ගන්නට කිසිදු අයිතියක් නැත .එසේ වුවහොත් වඩාත් දුක් වන්නේ තමාගේ දෙමව්පියන්ය .කිසිදින ඔවුන්ට මෙවන් දුකක් දෙන්න එපා .මට විශ්වාසයි දසුන් සිය දිවි නසා ගැනීමට පෙර නැවත නැවත සිතද්දී අම්මා මෙතරම් දුක් වන්නේ යැයි දැන සිටියා නම් ඔහු කිසි දින මෙවැනි අනුවණ ක්‍රියාවක් නොකරනු ඇත .දුවේ පුතේ ,කෙතරම් බැරෑරුම් ප්‍රශ්නයක් වුවද එය සිහි බුද්ධියෙන් විසඳා ගැනීමට ඕනෑ තරම් මං පෙත් ඇත .ගැටළුව හොඳම මිතුරකුට හෝ තමා වඩාත් විශ්‍වාස කරන අයකුට පවසා එය නිරාකරණය කර ගන්න .දුර්ලභ මනුසත් බව ලබන්නේ මහත් පිනකිනි .බුද්ධෝත්පාද කාලයක ඉපදීම ඊටත් වඩා පිනකි .ජීවිතයට ධෛර්යයෙන් මුහුණ දෙන්න පුරුදු වන්න .මේ දුලබ මිනිසත් බවින් උපරිම ප්‍රයෝජන ගන්න.දසුන්ට නිවනද සෙස්සන්ට තිසරණ සරණද ඉත සිතින් පතමි”

 49 views
Share This on :
RavsFm
Designed and Powered By AdAgra
Copyright © Ravsfm.com